ជំនាញ ទំនាក់ទំនងអន្តរជាតិ

សាលាក្រោយឧត្ដម នឹងអភិវឌ្ឍន៍ខ្លួនយ៉ាងសកម្ម ដើម្បីសម្រេចបាននូវចក្ខុវិស័យរួមរបស់សាកលវិទ្យាល័យ ជាពិសេស ដើរតួនាទីថ្នាលបណ្ដុះបណ្ដាលធនធានបញ្ញាជនជាន់ខ្ពស់របស់ជាតិប្រកបដោយគុណភាព និងប្រសិទ្ធភាព ដើម្បីឈានទៅរកឧត្ដមភាពដណ្ដើមឈ្នះក្នុងកម្រិតជាតិ និងអន្តរជាតិ។

កម្មវិធីសិក្សាថ្នាក់បរិញ្ញាបត្រជាន់ខ្ពស់ ជំនាញទំនាក់ទំនងអន្តរជាតិ (Master in International Relations) នៃសាកលវិទ្យាល័យ អាស៊ី អឺរ៉ុប ត្រូវបានរចនាឡើងយ៉ាងច្នៃប្រឌិតផ្អែកលើលទ្ធផលសិក្សា (OBE) ។ កម្មវិធីនេះមានគោលបំណងបណ្តុះបណ្តាលអ្នកការទូតយុទ្ធសាស្ត្រ និងអ្នកជំនាញកិច្ចការបរទេស ដែលមានសមត្ថភាពខ្ពស់ក្នុងការវិភាគដោយរិះគន់ទៅលើនិន្នាការភូមិសាស្ត្រនយោបាយ សេដ្ឋកិច្ចនយោបាយសកល និងច្បាប់អន្តរជាតិ ដើម្បីបង្កើតជាអនុសាសន៍យុទ្ធសាស្ត្រ ដោះស្រាយវិបត្តិ ការពារផលប្រយោជន៍ជាតិ និងសម្របសម្រួលកិច្ចសហ-ប្រតិបត្តិការអន្តរជាតិប្រកបដោយសេចក្តីថ្លៃថ្នូរ និងប្រសិទ្ធភាពខ្ពស់។

ឱកាសការងារ សម្រាប់និស្សិត

ថ្នាក់បរិញ្ញាបត្រជាន់ខ្ពស់ ទំនាក់ទំនងអន្តរជាតិ

ក្រោយពីទទួលបានបរិញ្ញាបត្រជាន់ខ្ពស់ ទំនាក់ទំនងអន្តរជាតិ អ្នកសិក្សាអាចទទួលបាននូវឱកាសការងារដូចខាងក្រោម៖

• អ្នកការទូត និងមន្ត្រីកិច្ចការបរទេសជាន់ខ្ពស់ (Diplomat & Foreign Affairs Officer)៖ មន្ត្រីការទូត មន្ត្រីកុងស៊ុល តំណាងប្រទេសជាតិ ឬអ្នកឯកទេសពិធីការទូតជាន់ខ្ពស់នៅក្រសួងការបរទេស និងសហប្រតិបត្តិការអន្តរជាតិ និងរដ្ឋបាលថ្នាក់ខ្ពស់។
• អ្នកវិភាគហានិភ័យភូមិសាស្ត្រនយោបាយ និងទីផ្សារសកល (Geopolitical & Political Risk Analyst)៖ អ្នកជំនាញវិភាគនិន្នាការនយោបាយ និងសេដ្ឋកិច្ចអន្តរជាតិ សម្រាប់ក្រុមហ៊ុនពហុជាតិ ធនាគារអន្តរជាតិ និងក្រុមហ៊ុនវិនិយោគទុនបរទេស។
• អ្នកចរចាពាណិជ្ជកម្ម និងទីប្រឹក្សាយុទ្ធសាស្ត្រអន្តរជាតិ (International Trade Negotiator & Strategist)៖ ទីប្រឹក្សាកិច្ចការបរទេសសម្រាប់ស្ថាប័ននីតិប្បញ្ញត្តិ (រដ្ឋសភា-ព្រឹទ្ធសភា) ស្ថាប័ននីតិប្រតិបត្តិ ឬអ្នកចរចាពាណិជ្ជកម្មអន្តរជាតិនៅក្រសួងពាណិជ្ជកម្ម។
• អ្នកគ្រប់គ្រងកម្មវិធី និងអ្នកស្រាវជ្រាវសកល (Global Program Manager & Researcher)៖ មន្ត្រីគ្រប់គ្រងកម្មវិធី/គម្រោង ឬអ្នកជំនាញគោលនយោបាយនៅអង្គការសហប្រជាជាតិ (UN Agencies), លេខាធិការដ្ឋានអាស៊ាន (ASEAN Secretariat) ឬអ្នកស្រាវជ្រាវជាន់ខ្ពស់ក្នុងវិទ្យាស្ថានសិក្សា យុទ្ធសាស្ត្រ។

មុខវិជ្ជាសិក្សា

ឱកាសការងារ សម្រាប់និស្សិត